Fii Zakka
283. Asakal farlaama e dow dimo fow
waɗɗaaki jiyaaɗo e wellitugol.
284. Ginnoojo mo dabbara ummu walad
lajanaaɗo yogaajo mo wattitugol.
285. Si a zakki labɓin firlitugol
si wanaa ɗum feƴƴin ƴettitugol.
286. Si a landi mo jonnaa ndar to Baraa
Allaahu no limti ɓe ɗon e ƴial.
287. Miskimɓe e bayɓe e jamalɓe jihaadi
to'amɓe ndi daaɗe e ɓii laawol.
288. Heeferɓe ɓe wownotoɗen bela
joo
hiɓe silma ko ɓe donyetee asakal.
289. Ɓe'e fow si tawaama ɓe senditanee
kono ɓurɗo ɓe lorra yo ɓur ɓe geɓal.
290. Si ko wobɓe tawaa yo ɓe jonne
ndi fow
sabu laamu to aaya wanaa mo jeyal.
291. On laamu ko ardi ko ɓanginugol
kala nokku to firliteten asakal.
292. Si woniino jeyal yoga nangi ndi
fow
yonataano ɓe firtay firlitagol.
293. Sabu hawtuɓe huunde fotayɓe geɓal
yoga hertoraa nde e waj'hu jeyal.
294. Almaami yo jonne ɗi sendana ɓe'e
maa Naaibu anduɗo jom nunɗal.
295. Nde ɓe silma ɓe rimɗa ko sarti
mu'un
lidduujo ɗu'um danyataa asakal.
296. Sadaghaaji e zakka ho harmi e Ɓur-
ɗo tageefo e Haasimiyanke gorol.
297. Sabu zakka to tuundi ko jungo ngol
dow
Ɓuri wongo to ley tuma rokkondiral.
298. O wanaa jide jungo tanaa ɓurataa
barkingo Nulaaɗo e juuɗe lenyol.
299. Wajiɓii ma e askude anniyagol
nde o lunjita yaltinagol asakal.
300. Yaltinɗo ɗi nunɗi e firlitugol
yonataa so o accuno anniyagol.
301. Yaltinɗo ɗi huntiri haaju mu'un
ko wa on mo limaali e fellitugol.
302. Si ko on wa ko bayti wanaa ɓe'e
jey
sabu ɗun ko kharaaju wanaa asakal.
303. Kono ɗun haɗataa asakal wajiboo
wano Maaliki maakiri ɗun e ƴial.
info@webfuuta.site