Fii Korka
162. Ramalaana si giite mu'un tabitii
Si a hoorii laɓɓin anniyagol.
163. Wata hooru e sikke si gooto yi'ii
Yonataa mo wa law si wonii daragol.
164. Kono yiiɗo ndu hoyɗuɗo on si
taƴii
O waɗay kaffaara e dow yoɓugol.
165. Kono on si yi'ii Juldaandu taƴii
Waɗɗaaki mo njoɓ'di e kaffirgol.
166. Ko o hoorata woo ko to zaahiri
tun
No defii mo taƴirde to anniyagol.
167. Nden nyande ko iidi ko harmunde
Hoorude on le wanaa jon sikkitagol.
168. No dagii ɗo'o tun feƴƴinde ko
Anniyanaaka to ɓernde jon sikkitagol.
169. Nden ɓernde liimaanu to julde ko non
Almaaɗo reway mo waɗay yoɓugol.
170. Wa mo anditi julde e julde, e
Jalɗo e mayre o yejjiti harminugol.
171. Haa habbiri nangiri koppi e
Wonɗo e sub'ha o anditi witrinagol.
172. Ɗe'e nay bonanii ɓe, ɓe doonoto haa
Tuma sellunde timmi ko fillitagol.
173. Wata hooran yarde e nyaamude tun
E jimaau ko ɗun woni nyallirgol.
174. Hoorir tere jeeɗiɗi wonɗe e ma'a
Si wanaa ɗun nyaamu wonaa e desal.
info@webfuuta.site