Fii Kirse
218. Kala huunde ko hirsaa jeyde alaa
e nde hikkori huunde e fii foofirgol
219. Jiha hoore wa law si ko daabirawel
si waɗaali ko jiibe waraa taƴoral.
220. Ko wa non waajooji si heddike huu-
nde e majji taƴaali ko jiibinugol.
221. Sartaama e kirse me'en taƴugol
bul'uuma, ko ngol woni ɓennirgol.
222. Hayawaanu ko ngol ɓennirta njaram
e ko nyaamata fow laatoo neagol.
223. Si rewii hulghuuma no lurra wonay
farkaare e sondere maa saragol.
224. Si ngo'ol saragol ko e nder hoƴugol
waɗi khaalibi on hawray e lajal.
225. Hirsoowo si ɓantii jungo mu'un
faa ɓooyi dagortaaa timminugol.
226. Si tawii ko o hirsi arande waray
si wanaa ɗun nyamrete fudɗitagol.
227. Dagagol no e sarti, to fudɗitagol
yo o bismo o ardina anniyagol.
228. Laɓi kirse si ɓowru mo sornii
ki ley
ɗaɗi, ɓanti, no harmira fedɗitugol.
229. Yo o welnu ki nokku to kol yiataa,
ko leptoto yurma si ɗum ɓadi kol.
230. Si ko leeɓi o weenya o hentina
ɗon
si o sokaama o hirsira yaccinugol.
231. Guri jiibe si hoppa, yo warre ndiyam
e ko yoori e nyamri, wanaa julgol.
232. Guri takke si hirsa yo juulire
haa
si wanaa hoppaaɗi e soodidugol.
233. Suddiiɗo e gorko yo hirsu si ɓen
resondirɓe no wondi e faltinugol.
234. Wata faasighi hirsu ko goppo dagii
haylilugol no hirsa e jom longal.
235. Si ko maccuɗo anduɗo hirsi yo
nyaa-
me, waɗaama e suwdaaniyyu Khalil.
236. Si ko gujjo e jattuɗo hirsi si
taw
ko ɓe anduɓe ɗun dagorii wa halal.
237. Si ko joomun hiwraa maa ɓe yoɓii,
si wa'aali wa non wonataa dagagol.
238. Yo o faandor ɠibla to baŋŋe nano,
si ko nannano ɗun ko wa lahdinugol.
239. Wano lizmondiri innude Allah si
hir-
sa mo anditii waawi e anniyagol.
240. Si o accir geyƴi e ronkere ɗum
no dagii, si o faandi ko jiibinugol.
241. Nani woo no o inniri Allah yonay
no suɓaa bismaade e habbirgol.
242. Kono jangirtaake no worri e hoore
simoore to deftere Jom senagol.
243. Yurmeende e lepte, ɗi hawtidataa
hirsoowo no lettira barminugol.
244. Si no dilla no foofude haa si lo'ii
si warirɗe si'aa haɗataa dagagol.
245. Wa si lunka, si talli, si ɗedɗa,
si dudɗi,
si takke ŋatii, taƴanaa daɗugol.
246. Si a landi warirɗe ko kukke jowi
gootel siungel hawray e lajal.
247. Maa mi limtana on ɗe si Allah
yiɗii
to ɓadii tuma haalu mi fii luɓagol.
248. Yaje seede mo acci ɗu'un nde mo
hir-
sa, o ñammina julɓe haram, yo o hul.
249. Si'iniirɗo warirɗe mbaroodi fetel
wata hirsu ko jiibe wa naa luhagol.
250. Wa si lancike ngaandi e sewɗi
taƴii
wadajuuji e lenko yulii tetekol.
251. Ko ko maayi o hettata daande mu'un
wata nyaamire ngol hirsinkinagol.
252. Sabu kirse ko ngurdan sar'inanaa
si warirɗe si'ii feƴƴii dagagol.
253. Aaden mo warirɗe mu'un si'inaa
warataake mo rendiri on tewagol.
254. O waraali mo ngurdan nyiiɓani
ɗum
yo o lette o yagginiree piggal.
255. Karambol ɓantaama wa jooni e on
si o zumpii maa si o huuwu dewal.
256. Sabu kellefuyee ɓooraama e mak-
ko e ngurdan ɓaawo ngo'ol siugol.
257. Si o war, si o barmin julɗo wonay
hadarun woni kawral maa tewagol.
258. Si a taskodu ɗun e ko jantinoɗen
to rawaandu fetel a taway ko dalil.
259. Sabu njandi ko welndi lahortee
maa-
ya dagoo e rawaande kural kencal.
260. Mo no anditi innude Allah si wur-
ta, no waawi yo waddu e anniyagol.
261. Ko e ɗii yimɗo ɗi moftani on
nyaawooje ko hirsa maa luhagol.
262. Toranee mo e fii ko o dandiri on
daktinde ko harmi to Allah malal.
263. Daktinɗo ko harmi sumay ƴawataa
ko o fennuɗo deftere Jom senagol.
264. E Hadiise Nulaaɗo me'en (yo o
his)
ko wonaa si o tuubu adaade lajal.
265. Kala jaɓuɗo ɗu'um o daɗii,
mo salii
ko o selɗo datal alanaa mo dalil.
266. Kala ndarɗo fawaakihu anday ɗon
ɓattaki fenaande e sikkitagol.
267. Kala yedduɗo goonga darorɗo dalil
nimsay tuma nimse alaa nafugol.
info@webfuuta.site