Fii Jaahu e Arsike
486. Kala sooduɗo jaahu mu'un morawol
ko wa nanguɗo coggu gimol e gamol.
487. Wano nanguɗo jawdi e ɗowtitugol
mo kulol heɓi arduɗo fabtinagol.
488. Si o haldu ko fanda yo ande wanaa
ko saman ko o hoolori ngol tefugol.
489. Ko wa non kala huunde ko nandi
e ɗum
e ko huuraa jaahu e wellitugol.
490. Toro Jooman O okke ko Kanko jogii
wota ɗabɓir arsike bay danyugol.
491. Sabu arsike hertortaa dagagol
e no hen ko anyaa e haram e halal.
492. Kala huunde ko wuuruɗo naftori
ɗum
ko nde arsike makko e wellitugol.
493. Wata rew ɗate mu'utazilaaɓe e
fii
ko ɓe innata arsike woo ko halal.
494. Ɓe wiay kala nyaamuɗo jawdi tanaa
ko o nyaami ko arsike makko jeyal.
495. Si ko neeɓude arsike maa hodu
maa
ko marammaa Jooman daɗii bonugol.
496. Himo hertori anduɗe mas'laha ma'a
kala ɗun hi Mo hasbi to firlitagol.
497. Hi Mo wakkili Miikaa'iilu e ɗum
yo o si'inu o sendira fow etugol.
498. Wata tuhmir Jeyɗo ma ruttanagol
ko O rokkiri fallu e yondinagol.
499. *Sabu haa e tagaaɗo si rutti wa'ii
wa rawaandu nde tuuti e dekkitugol.
500. Ko O windani moyƴo e ɓonɗo siay
kono jango ko lebte e warjoyagol.
501. Ko ko arsike ɗabɓata nedɗo mu'un
ɓuri sattude ɗabɓitugol mo lajal.
502. Ko lajal yaccii kala arsike fow
hewtay joo mun si lohoo mo lajal.
503. Aditaade e woodude Allah wi'ii
hi Mo heddiri arsike maa e lajal.
504. Giɗo waawaa ɓeydude arsike maa
ganyo waawaa ɗuytude ɗun taƴoral.
505. A adortaa saa'a a yawtirtaa
yeru leppitagol si arii ma lajal.
506. Mo no woodine wurne, O mayne, alaa
mo no duncane lorra, O pooɗa danyal.
507. Mo no malnoye malkise jango alaa
ko wanaa Heerorɗo sifaaji kamal.
508. Geno Wawɗo Mo ronkitataa re'ataa
senayee wonanii Mo azal e ajal.
509. Wata dambe e kowngu e jawdi hode
kala huunde ko fudɗi ko jom reugol.
510. To Nulaaɓe e Lamɓe adiiɓe woni
heeferɓe e julɓe naɓii ɓe lajal.
511. Wata hewde dewal maa gandiɗugol
hode andu ko Allah bagorta malal.
512. En moolike Allah e jarrabuyee
timmoode e wattitugol.
513. Andaa Barasiisa e Bal'ama maa
Ibliisa no fellitanaa sumugol.
514. Haɗanaaliɓe ɗum laataade no
foo-
li zamaanu mu'un gandal e dewal.
515. Jooman mehiran men goopi amen
yurmeende e fallu e hewde munyal.
516. E tefoore Nulaaɗo Suɓaaɗo ko
on
men jortori dadde e hedde malal.
517. Men sokminorii Siiwaaɗo ka bii
Ardinɗo Yeɗaaɗo ko Jom daɗugol.
518. (Sowu julde e makko, sowaa kisiyee
ko alaa hasboore alaa reugol.)
info@webfuuta.site