Fii Dewgal, Bheyngu e Wondigal
339. Wata jattu sadaaghu mo gendo tenhaa,
kala huuwudho dhun o tayhii dewgal.
340. Nyamliidho sadaaghu mo rokkitataa
ko fasaadu o innata dhon dewgal.
341. Masmuunu mo rentini dhun e saman
ko o firtudho coggu ko nii dewgal.
342. Si ko yeeyudho maa si ko sottudho
on
to desal e to coggu no sella misal.
343. Yhameteedho no yeeya ko resdho
mo on
woni sottudho fah'mu dhu'un to dewal.
344. Sabu bul'u ko sil'a to debbo saman
ko sadaaghu to zawju e wustondiral.
345. Ko wonaa to yhetti o sakkor maa
fii Allah yo huubhane ngal dokkal.
346. Sadaghaaji e dokke ko fandinugol
timmirtaa wa law di ko jaggitugol.
347. Si a fandin hotti ko rokkudho ton
aditaade hitaande bonii tamugol.
348. Si o may, si fallisa maa si o nyaw
nyaw mayde tamaaka hadhii wulagol.
349. Ko wanaa si ko ñwadho siay
to sulus
si wanaa rokkaadho ko jom ronugol.
350. Ko wanaa gendiiko e ummu walad
aldaa e ßen dhidho fandinugol.
351. Ko wa non fawtiidho sadaaghu bhiyum
bonataa si o may ko adii tamugol.
352. No to Tuhfa ko nilha dhu'un wietee
hatonjintaa faade e fandinugol.
353. Rokkaadho si may hettaali tamay
ndono makko ko rokkude Jom cellal.
354. Kono baaba so rokkii bhiddho tokoo-
so yo fandin haa tuma hellifugol.
355. Si ko bonnata dokke yanii bonataa
sabu fandugo makko wonii tamugol.
356. Si ko yumma bonay si ko bonna yanii
wano mayde e nyawde e fallisagol.
357. Ngal dokkal baaba no yhettita ngal
si nyamaande wadhaali e resrude ngal.
358. Maa maayude maa nyaw mayde dhu'um
si wadhii daganaaki mo yhettitugol.
359. Wano yumma e bhiddho tokooso si
baa-
ba no wuuri si yutmii hertora ngal.
360. Wata toonuu habhaa mo piyaa yennaa
hoynaa esiraabhe, no bonna desal.
361. Kono bhen le yo refto kabii mo
wonaa
yarlaadho to zawju ko malkisugol.
362. Yarlaadho to zawju Nulaadho me'en
maakii (Yo o his) ko fodaadho malal.
363. Jarboowo si zawju hadhii ronkii
yo o pii o tayhoo mo e fii lelagol.
364. Yo o salto nafaggha e koltu kabii
dhun fow alanaa jon jattinagol.
365. Dhun fow si nafaali si zawju yidhii
seeray si yahii nabhataa meselal.
366. Bhooriidho tabintinii lorra mu'un
yo o ruttano jawdi, wuloo cergal.
367. Mo nyawii wata bhooru wonaa ko
dagii
si wadhii yo o yaadu e yhettitugol.
368. Kala maydho e dewgal nyaw huletee-
ngu si tawno ko ñawdho adaade desal.
369. Si ko nyawdho adii si ko selludho
on
jon sakkitagol nabhataa meselal.
370. Kono dhun ko to nder nyaw makko
wiaa
si o sellii sellay rontindiral.
371. Si a andaa nyaw huleteengu ko ngun
ngu no heeda e firlitagol e jeyal.
372. On debbo yo nangu sadaaghu si zaw-
ju dadhaali ko nyawnoo saa'a desal.
373. Si bhe nadduno maa ko adaade mu'un
hibhe luttida timmana zawju lajal.
374. Si ko nyawdho resaa gendiiko adii
o danyay tenhe tun o hadhee ronugol.
375. Si ko kanko adii ndono makko ronay
tenhe on sartaaka e naatidugol.
376. Seedaadho e nder nyaw zawju hulaa-
ngu ronay si o may ko adii cellal.
377. Si o sellu ko ßangani yimbhe
nazar
si o ñaw si o maayu tayhii ronugol.
378. Si o may tun serdho mo on ronataa
si o dag'tike maa si ko baainiwal.
379. Ammaa si o seeru mo rij'a e nyaw
kala maydho to edda ko rontindiral.
380. Kala yhamdho e edda bonii ko wa
non
mo on habbini yaltiri fii resugol.
381. Mo o teldi e edda e lafsindagol
yo bhe sende bhe wontidataa e desal.
382. Dagtindho ko harmi o yartondinii
wano wiidho zinaa yo wonan mo desal.
383. Si bhe tuubu ko laabhi zamaanu
wuloo
hadhataake e hakkunde mabbhe desal.
384. Fodondirdho e makko to edda e on
yhantiidho sadaaghu ko bonnubhe ngal.
385. Dhun fow ko to deftere Allah hadhaa
kala jarbudho faandike halkitagol.
386. Teldaadho e mabbhe si yhelliti
dhun
rokkee mo sadaaghu helon dewgal.
. Mo wi'ii tenhe mabbhe ko bayti
o woo-
pu ko haldho dhu'um tuugii e yhial.
388. Bongal firtaangal khalwa wadhaa
alanaa on debbo e fotte gebhal.
389. Si wanaa bongal si o ser mo adaa-
de bhe teldude laatoto feccondiral.
390. Ko wanaa si o yaafi o fukkina dhun
maa baaba si taw o wonii cukalel.
391. Si ko kordho ko sayyidi hertori
dhun
sabu kordho jeyaa ngol fukkinagol.
392. Bhe'e eddintaako yo dhun kala ndaa-
re to Deftere Lamdho Sifordho kamal.
393. Si arnoto arno e dow seedee
mayraadho e batta e baainiwal.
394. *Wata arno e edda mo Allah dunhii
dewal.
395. E nafaggha e suudu e resde mo maa
liilaalu zihaaru e rentindiral.
396. Dagtoodi e dewgal fow no dagii
ko wonaa teldeede e dagmitagol.
397. Kala majjudho dhaydho mo faltindiraa
arnaade e nyamde ko waddhitagol.
398. Seeraadho to Gendom batta yo yaa
himo harmina on haa bhaawo desal.
399. Si ko hoydhudho yhetti mo wirni
kamar
si bhe seedi no resta mo jon cergal.
400. Ko wanaa si o faandi o resri mo
fii
yo o dagtano on wonataa dagagol.
401. Mo resii nayo seerii rij'a resii
oya yaltaa edda resii jowabhel.
402. Yo o yaadu e futte si khalwa wadhii
sellay si ko batta e baainiwal.
403. Rokkaadho si seerii yo andu wa
law
si ko batta e borgu wonii jowabhal.
404. Sabu wiidho : "Mi resnii maani
mo an
maaniijo." o laatike habbhudho ngal.
405. Tenhe jantaama jantaaka nga'al
sellii yo bhe janto yo naatidugol.
406 .Kono wiidho mi rokkii run yonataa
si wanaa tenhe janta wanaa resugol.
407. Yaka seede mo faltindiraali dhu'um
nde o wayla fasaadu o watta dewal.
408. Sartaama e habbhudho ngal yo o
won
dimo juldho e gorko e jon koydhol.
409. Lidduujo dhu'un wata habbhu bonay
yo o wakkilo jojjudho habbhubhe ngal.
410. Kala andudho figh'ha no andi dhu'um
to Risaala e Tuh'fa e Shakhu Khalil.
411. Bhura jeydho e bhiddho e bhiddho
bhiyum
ben makko musiddho e bhii musidal.
412. Taaniiko to baaba yo hikko e bhee
bappaajo e bhidho mu'un to gorol.
413. Rokkaama saghiighi yo ardu e bhe'e
kala nokku to weebhata seekondiral.
414. Si yatiima wawna yo firte ko non
ceemeedo si laatike jon peewal.
415. Hadhataa dhun jonde zamaanu mu'un
maa jibnubhe bhibbhe e maaku Khalil
416. Mo resii *dambaadho tawii ko o
bhii
zinu maa ko o *kordho ko jonnitugol.
417. Tenhe on wonanii mo si khalwa wadhii
kono zawju yo rutto e jon hodugol.
418. Alanaa on debbo tanaaa rub'u
si o weddi o janfora dambitagol.
419. Si ko debbo hodaa tuma anditoyaa
nabha futte si meema e naaditugol.
420. Resondirbhe no andi dhu'un si bhe
hal
alanaabhe dhatal ko wanaa sergal.
421. Kala resdho mo muyni e bhiddho
mu'un
maa bhii gendon o resii sobhungal.
422. Musidal mo o muyni e zawju mu'un
si ko rewbhe ko yaaye e kaawu deyel.
423. Wellet no bhe waadi e bhattondiral
si bhe seekodu maa jiha gooto e bhadal.
424. Soobhande si hewtii reedu wa law
si nde tobbhi to hunduko maa to kinal.
425. Musnaydho o musni e duubhi dhidhi
si o feyyhii lutta harmingol.
426. Wellet suddiidho ko sarti nde muy-
nina ngel sukalel wona harminugol.
427. Si ko gorko o muyni ko meere kabii
ko kosan suddiidho wiaa to Khalil.
428 .Onkan ko si mem gendom muynaa-
dho si laatoo baaba nge'el sukalel.
429. Kala on mo no harma to dambe konon
wano makko no harma to muyninugol.
430. Wano njeedhidho rewbhe beh lintanadhen
to Misaai e Daalol Jom senagol.
431. Wano yumma e bhiddho e kaawu deyel
e musiddho e yaaye e bhii musidal.
432. Suddiidho e gorko mo seekodudhon
e mo hawtidudhon jiha goota danyal.
433. Wata hawtindiree suddiidho e yaa-
ye mu'un e musiddho e kaawu deyel.
434. Dhidho rewbhe si hoddira goddho ko gor-
ko bhe harmida bhen wata hawtu desal.
435. Kala haaludho majjere yeddii dhu'un
ko o yeddi ko Tuhfa e Shakhu Khalil.
436. Kala bhen bhe bhadaaki nde hawtindiree
yottorde jeyal bhurdaa e desal.
437. Suddiidho e kordho mu'un e esun
maa bhii gendom e no hawta desal.
438. Mo jeyii rondiidho si mem ko haram
mo resii ruudhiidho resii sobhungal.
439. Si o teldu e makko si ngal firtaa
ko wiaa tenhe fow wonanii mo halal.
440. Ko wanaa hodhanoodho resaa nadhaa
yo o yaadu e rub'u to Shayku Khalil.
441. Reeduujo mo edda e lafzindagol
no o lelniri reedu dagoo resugol.
442. Ko wanaa seedaadho sowiidho si taw
ko ndu bondu o dagortaa hebhugol.
443. Ko wanaa garauuji tatiiji woloo
kala resdho mo andu wanaa dewgal.
444. Si o mayra ko haa tuma bhurngal wod-
dhude dhen laje timma dagoo resugol.
445. Kala bheydho si seeda dagtortaa
ko wanaa garauuji to Shayku Khalil.
446. Woopii kala wiidho ko lebbi tati
si o faayu dhatal yo o nangu nga'al.
447. Sabu seerudho beydho no yhettita on
muynaydho si neebhii gantinugol.
448. Si o faandike resde mushiddho o'o
maa on mo si tawn wonay jowabhal.
449. Ko wa non si o hul wata on ronu mo
si o may tawa on no e eddinagol.
450. Sabu on no wioo gendiiko fahin
ko wanaa si ko batta e baainiwal.
451. Sabu aada ko dunh'ri ko gantinugol
yaaway si o accii muyninugol
452. Ko wanaa wona lorr e ngel bhingel
si o wonay harmay nde o yhettita ngel.
453. Sabu *ko e bhiraadhan bheynge dagaa-
ki bhireede ko lorrata kol nyalahol.
454. Suddiidho si fellitanaama zinaa
maa wawnaa maa faydaa e halal.
455. Koo harmudho haa yeru edda wuloo
wata bhatto mo zawju e jom yhamugol.
456. Mayraadho tokooso e mawdho yo won
naddaa naddaaka e eddinagol.
457. Kimo mabbhe e kordho yo fonde e fii
hadheteedhi e keyngu e bontinagol.
458. Yo o woddito tiiri wa law si wonii
wadhugol ndi e maydho wa harminugol.
459. Kala bhen dhidho maydho yo tirne kabii
yaltii e ko waddhini waddhitagol.
460. Heyniidho yo accu sudhaari ko non
suguuji dhi bawla maa finagol.
461. Hino mooroo femba labhordhi wujoo
gernyoo bhora nawki dagoo gosagol.
462. O hadhaaka ko heddii fow ko wanaa
bid'aaji dhi jantorten hadhugol.
463. Heyniibhe ko wuppata ganto alaa
nde o yalta e keyngu ko bid'inagol.
464. Maa wuppude aljuma fow e tenen
maa habbhude hoore to eddinagol.
465. Kala maydho e keyngu no wondi e dhum
ko e sirku o maydi ko jom sumugol.
466. Si ko debbo mo tiggu fawwaka e mu'un
wata tiggo yo heynor bontinagol.
467. Taaraajo si mayda e ummu wa lad
wata bhen dhidho bhooro ko lafzindagol.
468. Sabu resdho bhe woo maayaali ko maa-
yi ko dakmitaraydho e mabbhe jeyal.
469. Kala woowudho haylu ko harmudho haa
tuma wooturu feyyhi dagoo resugol.
470. Si wanaa jom haylu ko lebbi tati
wano on mo jonhaali e jom tayhagol.
471. *Si e jeytii genda o wonta halal.
si a taaroto taaroo taaroo bonii dewgal.
472. Si tawii ko sowiidho ko ummu wa lad
wata daajir bhe dhidho lafzindagol.
473. Sabu Allah fawaali ma lafzindagol
si ndiyam kiddham e kesam ko halal.
474. *Andaa si ko kanko
himo harmi e maadha e wellitugol.
475. Ko wanaa si o rindhine dhun no dagii
si a yarlike habbhanedhon dewgal.
476. Si a serno mo batta adaade desal
wata taaro mo haa o resee aranal.
477. Jom batta si memtu adaade desal
dagoraa resugol maa ñaamo jeyal.
478. Si ko gendo jibinbhe mo jeytunodhaa
dagortaako e hakkunde mabbhe desal.
479. *Sabu kaadhoy ßiddho ko jibnubhe jey
harmii rentinde jeyal e desal.
info@webfuuta.site