Timminirɗun
559. Famɗii mo no haala on wa ɗu'un
e nge'el zamanel ko wanaa wasagol.
560. Sabu haltude ne'ema ko sukru wiaa
wata majjuɓe sikku ko maabitagol,
561. Reweteeɗo Seniiɗo ko danduɗo lan
nde mi bonnira kuugal am kongol.
562. Ko wasor mi ko Kanko wanaa sifa am
e ɗu'um miɗo farnora laɓɓinugol.
563. Miɗo ngantinanoo seerenɓe e
ɗi'i
kala yiiɗo ko aybi e majji yo hal.
564. Sabu wirtere hande ɓuray newagol
gay wirtere jango to huncondiral.
565. Yo o tiimu o taskora fahminugol
ko e dow ɗun weeɓata sellinugol.
566. Heewii aybinɗo ko selli tawee
si ñawii ko to fahmu wanaa to ɗerol.
567. Miɗo jortii dhaɓɓuɗo
ɗun e ɗu'um
yiataa miɗo sukrani ngal dokkal.
568 Alanaa lan feere e sembe mu'un
ko wanaa iwanan mi to Jon senagol.
569. Yaa Jooman yawtan maccuɗo Maa
ko o tahtori kongol maa kuugal,
570. Kingal e kesal tokosal e njanal
wano gejji e majjere maa tewagol.
571. Kene gundoo, rokkaa janguɗo ɗum
ko o ɗaɓɓir Maa daɗugol
dañugol.
572. Bone hande e jango e moƴƴi mu'un
sabu Tedduɗo Timminiraaɗo Nulal.
573. (Jul jundi zamaanu e makko cowanɗe
cowanɗe tagaaɗo e wellitugol.)
574. Ko kulol wata juutu si hattu mi ɗo'o
haɗa on sokholirde sabaabe malal.
575. Kala anduɗo maayay yiiɗo ɗu'un
o dañii ko o doomira Allah malal.
576. Wonanii Geno hamdu e sukru me'en
to Arande ɗu'un e to Timminugol.
577.
Miɗo ñaagoo janguɗo Ma'adini
fow
nde o duoo toranoo mi to Alla malal.
578. Bela Allah no jaabora barki Nulaaɗo
e dendaangal jon horminagol.
579. Yaa Jooman jul e Tefoowo amen
jaɓanaa mo tefoore to satti kulol!
Timmii.
info@webfuuta.site